3 декабря 2024 г. 14:04
Қазақстан әйелдер құрамасы гандболдан Азия чемпионатында Қытайды жеңді
Гандболдан Қазақстан әйелдер құрамасы Нью-Делиде (Үндістан) өтіп жатқан Азия чемпионатында алғашқы кездесуін өткізді, деп хабарлайды Olympic.kz.
Алматы, NEGE. Қазақстан құрамасы А тобында өнер көрсетуде. Бұл топқа Қытай, Сингапур және Оңтүстік Корея құрамалары кіреді.
Отандастарымыз топтық кезеңді Қытай командасына қарсы ойынмен бастады. Кездесу қазақстандықтардың пайдасына 28:26 есебімен аяқталды.
Айта кетейік, келесі ойын 4 желтоқсанда өтеді. Қазақстандық спортшылар Оңтүстік Корея құрамасымен кездеседі.
