13 мая 2024 г. 14:29
Қазақ қызы тұңғыш рет әлемнің ең биік шыңын бағындырды
12 мамырда Непал уақытымен таңғы сағат 07:25-те Анар Бурашева мен Мақсұт Жұмаевтан құралған Қазақстан командасы еліміздің көк байрағын әлемнің биік шыңы – Эверест шыңында (8 848 м) желбіретті. Осылайша қазақ қызы тұңғыш рет әлемнің ең биік шыңын бағындырды.
Алматы, NEGE. Олар 8 848 метр биіктікте орналасқан шыңға бес тәулік бойы өрмелеген.
Шыңға көтерілу 7 мамырда базалық лагерьден шығудан басталып, содан кейін біздің альпинистер I лагерь арқылы өтіп, одан кейін II лагерьге, III лагерьге көтерілген және IV лагерьге жеткен соң одан әрі Эверест шыңына жеткен.
«Бүгінде альпинистер төмен түсу үшін тынығып жатыр. Альпинистердің жағдайы қанағаттанарлық, бірақ базалық лагерьге түсу үшін біраз күш жинау керек болып тұр», - делінген хабарламада.