«Қайрат» – «Реал Мадрид» матчының билеттері 23 қыркүйекте сатылымға шығады
Билеттерді клубтың ресми сайты мен Ticketon платформасы арқылы сатып алуға болады.
Алматы, NEGE. Билеттерді сату 23 қыркүйек күні сағат 17:00-де басталады.
Бағалар УЕФА-мен келісілген және жалпы кезеңдегі барлық үй матчтарына бірдей 30 000 теңгеден 250 000 теңгеге дейін.
Бір адамға екі билеттен артық сатып алуға рұқсат етілмейді. Деректер сатып алу кезінде де, стадионға кірген кезде де қатаң тексеріледі.
Естеріңізге сала кетейік, «Қайрат» пен «Реал Мадрид» матчы 30 қыркүйекте Алматыда өтеді. Матчты тамашалауға шетелден 4–5 мыңға жуық жанкүйер келеді.