Қаскелеңдегі аудандық сот ғимаратынан зорлау ісі бойынша сотталып жатқан күдікті қашып кетті
Қаскелең қаласындағы аудандық соттың ғимаратынан қамаудағы азамат қашып кеткен. Ол зорлау ісі бойынша күдікті деп танылған.
Алматы, NEGE. Қазір оны әртіп сақшылары іздестіріп жатыр. Күдікті қашып кеткеннен кейін бірден арнайы «Сирена» жоспары енгізілді.
«1 сәуір күні сағат 10:35-те Алматы облысының Қаскелең қаласында Қазақстан Республикасы Қылмыстық кодексінің 120-бабының 2-бөлігімен көзделген зорлау қылмысын жасады деген күдікке ілінген 1995 жылы туған сотқа дейінгі қамаудағы азамат аудандық соттың аумағынан қашып кеткен», - делінген полиция таратқан мәліметте.