Қарақалпақстанда коменданттық сағат қысқартылды
Қарақалпақстандағы жағдайдың тұрақтануына байланысты Өзбекстан президенті республикадағы төтенше жағдай режимін жеңілдету туралы шешім қабылдады.
Алматы, NEGE. Бұл туралы Шавкат Мирзиеевтің баспасөз хатшысы Шерзод Асадов мәлімдеді.
"Қарақалпақстан Республикасындағы жағдайдың тұрақтануына байланысты Өзбекстан Президенті Қарақалпақстан территориясында енгізілген төтенше жағдайды жеңілдетіп, комендаттық сағатты 23-тен таңғы 7-ге дейін деп өзгертті” – делінген ақпаратта.
Өзбекстан басшысы тиісті жарлыққа қол қойып, жарлық мәжіліс палаталарының бекітуіне жіберілді.