Қарағандыда жаяу адамды қағып өлтіріп, қашып кеткен жүргізуші ұсталды
Қарағандыда жаяу жүргіншіні қағып өлтіріп, оқиға орнынан қашып кеткен жүргізуші ұсталды, – деп хабарлайды Polisia.kz.
Қарағанды, NEGE. 9 сәуір күні сағат 22.00 шамасында Қарағанды қалалық Полиция басқармасына қарасты Теміржол полиция бөліміне дәмханалардың бірінің маңында жол-көлік оқиғасы болғаны туралы хабарлама түсті. Оқиға орынына жедел-тергеу тобы жіберілді.
Жүргізуші көлік басқаруына ие бола алмай, 44 жастағы жаяу жүргіншіні қағып кеткені анықталды. Жәбірленуші оқиға орнында көз жұмды.
Жүргізуші ол жерден ізін суытқан. Жедел-іздестіру іс-шаралары барысында “ізін суытпай” жол-көлік оқиғасын жасаған 20 жастағы азамат ұсталды. Ол мойындау көрсетпе белгілерін берді. Күдіктінің көлік жүргізу куәлігінің жоқ екені анықталды.
Аталған факті бойынша Қазақстан Республикасы Қылмыстық кодексінің 345-бабының 3-тармағы (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) және 347-бабы (Жол-көлiк оқиғасы болған жерден кетіп қалу) бойынша қылмыстық іс қозғалды. Тергеу амалдары жүргізілуде.