Қарағандыда полиция пунктінен ес-түссіз жатқан полицей мен әйелдің мәйіті табылды
Жергілікті БАҚ-тың хабарлауынша, Михайловкадағы қызметтік бөлмеге кірген аға учаскелік инспектор ол жерден полиция майорының ес-түссіз жатқанын және жанында жалаңаш күйдегі қыздың мәйітін анықтаған.
Алматы, NEGE. Қарағанды облыстық полиция департаменті оқиғаның болғанын растады. Ведомствоның мәліметінше, аталған қызметкер шынымен ауруханаға жатқызылған.
Қазіргі уақытта жағдайдың мән-жайы мен әйелдің өлім себебі анықталып жатыр. Объективті тексеру үшін арнайы жедел-тергеу тобы құрылды, сондай-ақ қызметтік тергеу тағайындалды
Облыстық полиция департаментінің бастығы Негмет Исмагулов іс өзінің жеке бақылауында екенін мәлімдеді.