Қарағанды облысында 50 жолаушы мінген автобус жол жиегіне шығып кеткен
Бұл жөнінде Қарағанды облыстық полиция департаменті хабарлады.
Астана, NEGE. Жол-көлік оқиғасы бүгін, 12 қаңтар күні Шахтинск қаласының маңында болған.
«12 қаңтарда Шахтинск қаласынынан шығып келе жатқан маршруттық автобус жүргізушісі боран мен көктайғақ жағдайында көлікті басқара алмай, қоғамдық көлік жолдан шығып кеткен.
Автобус салонында шамамен 50 жолаушы болған. Қаза тапқандар мен зардап шеккендер жоқ», – делінген полиция хабарламасында.
Қарағанды облыстық полиция департаменті өңірдегі қолайсыз ауа райы жағдайында жүргізушілерге жылдамдық режимін, арақашықтықты сақтауға және мүмкіндігінше алыс жолға шықпауға кеңес береді.