Қарағанды облысында жантүршігерлік жол апаты болды
Қарағанды облысы "Қызылорда-Павлодар" автожолының 931 шақырымында қайғылы жол апаты болды, деп хабарлады облыстық полиция департаменті.
Алматы, NEGE. 8 маусым сағат 22.23 шамасында "Қызылорда-Павлодар" автожолының 931 шақырымында "Ауди", "Шевроле Кобальт" және "Тойота Превиа" үш автокөлігі соқтығысқан.
"Жол апатынан 4 жолаушы мен 22 жастағы "Шевроле Кобальт" автокөлігінің жүргізушісі қайтыс болды. "Ауди" автокөлігінің 21 жастағы жүргізушісі, оның 17 жастағы жолаушысы және "Тойота Превиа" автокөлігінің 39 жастағы жолаушысы медициналық мекемеге жеткізілді", - дейді ведомство.
Қылмыстық іс қозғалып, сараптама жасалып жатыр.