Қарағанды-Астана бағытында 1500-ге жуық көлік жолда қалды
Бір шақырымға созылған көлік тізбегі кешке қарай Астанаға қарай бағыт алды.
Алматы, NEGE. Қарағанды облысының патрульдік полицейлері қарлы боранда жолда қалған машиналарды 10 колоннаға бөліп, алып жүрді. Бастысы, жолда қалған жолаушылар зардап шекпеді.
«Қазіргі уақытқа дейін патрульдік полиция қызметкерлерімен Ақмола облысының аумағына дейін 1500 автокөлік ілесіп алу жұмыстарымен діттеген жерлеріне жеткізілді. Ауа райының күрт өзгеруіне байланысты қазір бұрқасын. Жолдың көрінуі – 20-25 метр. Сондықтан көлік жүргізушілерден ауа райының күрт өзгеруіне байланысты алыс жолға шықпауларын сұраймыз», – дейді Қарағанды облыстық Полиция департаментінің баспасөз хатшысы Бақытжан Құдияров.