Қандастарды қабылдаудың 2026 жылға арналған өңірлік квотасы бекітілді
Еңбек және халықты әлеуметтік қорғау министрлігінің мәліметінше, келер жылға арналған өңірлік квота 8 278 адамды қамтымақ.
Астана, NEGE. Ведомство ақпаратына қарағанда, қандастар үшін Павлодар облысына көбірек квота қарастырылған.
2026 жылы өңірлік квота облыстар бойынша төмендегідей бөлінеді:
- қандастар үшін:
- Павлодар облысы – 977 адам;
- Ақмола облысы – 285 адам;
- Абай облысы – 264 адам;
- Шығыс Қазақстан облысы – 200 адам;
- Солтүстік Қазақстан облысы – 200 адам;
- Қостанай облысы – 200 адам;
- Атырау облысы – 125 адам;
- Батыс Қазақстан облысы – 30 адам.
- қоныс аударушылар үшін:
- Солтүстік Қазақстан облысы – 2 820 адам;
- Павлодар облысы – 1 655 адам;
- Шығыс Қазақстан облысы – 600 адам;
- Қостанай облысы – 485 адам;
- Абай облысы – 275 адам;
- Ұлытау облысы – 125 адам;
- Қарағанды облысы – 37 адам.
Сондай-ақ министрлік қандастар мен қоныс аударушыларды қабылдаудың өңірлік квотасына енгізілген адамдарға мемлекет тарапынан қолдау шарасы көрсетілетінін еске салды.
Атап айтқанда:
- көшуге субсидиялар – отбасының әрбір мүшесіне 70 АЕК бойынша біржолғы төлем;
- 12 ай ішінде бір отбасына 15-тен 30 АЕК-ке дейін төленетін тұрғын үйді жалдау (жалға алу) және коммуналдық қызметтерге ақы төлеу бойынша шығыстарды жабу үшін субсидиялар;
- 400 АЕК мөлшерінде қоныс аударуға жәрдем көрсететін жұмыс берушілер үшін субсидиялар;
- қысқа мерзімді кәсіптік оқытуға жолдама;
- жұмысқа орналасуға немесе кәсіпкерлік бастаманы дамытуға жәрдемдесу;
- тұрғын үй сатып алуға экономикалық мобильділік сертификаттарын беру.