Калашников автоматынан оқ жаудырған: Атырауда атыс болып, екі адам өлді
15 наурыз күні түнгі сағат он жарым шамасында Атырау қаласының «Авангард» шағын ауданында атыс болып, екі адам қаза тапқан. Бұл туралы Чиновник телеграм-каналы хабарлады.
Атырау, NEGE. Түнгі он жарым шамасында Атырау қалалық полициясының 102 пультіне шұғыл хабарлама түскен. «Авангард» ықшамауданында белгісіз біреу адамдарға оқ атқанын. Оқиға орнында 27 және 22 жастағы екі адам өліп, 26 жастағы тағы бір жігіттің басына оқ тиіп, жан сақтау бөліміне түсіпті.
Кейбір деректерге қарағанда, күдікті адам Калашников автоматынан оқ жаудырған. Оқиға орнында тергеу тобы жұмыс істеп жатыр. Күдікті оқиға орнынан қашып кеткен.