Иван Дычко аргентиналық боксшымен жекпе-жекте жеңіске жетті
Қазақстандық боксшы Иван Дычко (11-0, 11 КО) Буэнос-Айресте (Аргентина) өткен бокс кешінде өнер көрсетті, деп хабарлайды Sports.kz.
Алматы, NEGE. Ол аргентиналық Кевин Эспиндоламен (7-3, 2 КО) кездесті. Суперауыр салмақтағы жекпе-жек 10 раундқа есептелді және ол соңына дейін созылды. Иван Дычко төрешілердің бірауызды шешімімен жеңіске жетті. Осылайша, Қазақстан боксшысы кәсіби спорттағы 12-інші жеңісіне қол жеткізді. И.Дычко барлық айқастарын мерзімінен бұрын жеңіспен аяқтаған болатын. Оның бұған дейінгі жекпе-жегі былтырғы желтоқсан айында Нұр-Сұлтан қаласында 45 жастағы ресейлік Александр Устиновқа (36-6-1, 27 КО) қарсы өтті. Ол оппонентін бірінші раундта техникалық нокаутпен жеңді. Ал Кевин Эспиндола рингте осымен төртінші рет жығылып отыр. Ол биылғы сәуір айында төрешілердің бірауызды шешімімен жерлесі Науэль Паласиостадан (1-7, 0 КО) басым түсті.