Индерде «Димаш төбе» тарихи-мәдени кешенінің құрылысы жүріп жатыр
Атырау облысы Индер ауданында ашық аспан астындағы тарихи-мәдени кешен – «Димаш төбе» мұражайының құрылысы жүріп жатыр.
Алматы, NEGE. Облыс әкімі Серік Шәпкеновтің тапсырмасына сәйкес жүзеге асып жатқан жоба өңірдің тарихи-танымдық және туристік әлеуетін арттыруды көздейді. Мұражай Индербор кентінен 8 шақырым шығысқа қарай, Индер–Қарабау тасжолының бойында орналасқан.
Кешенге қазба байлықтар мен рудалар салынған тас жәшіктер, 2 үлкен күмбезді композиция қойылады.
2023 жылдың қараша айында басталған құрылыс 2025 жылдың шілдесінде аяқталады деп жоспарланып отыр.
Қазір жұмыстардың басым бөлігі аяқталған. Кешеннің аумағы – 1750 шаршы метр.
Бұған дейін Атырауда Дінмұхамед Қонаев аялдаған жерде ашық аспан астындағы мұражай ашылатыны хабарланған болатын.