Илон Масктің анасы Алматыда кішкентай қыздың тұсауын кесті (видео)
Илон Масктың анасы Мэй Маск Алматыға келді. Ол 17 қазанда өтетін Орталық Азия әйелдеріне арналған BeWoman форумына қатысады.
Алматы, NEGE. Әлеуметтік желіде кішкентай бүлдіршіннің тұсауын кескен Мэй Масктың видеосы тарады. Оны Алматы қаласының мәслихат депутаты Қарашаш Жүзеева Instagram-дағы парақшасында жариялаған болатын.
Естеріңізге сала кетейік, Орталық Азия әйелдеріне арналған форумда Мэй Маск денсаулық, дұрыс тамақтану, қартаю, гендерлік теңдік, балаларды жалғыз тәрбиелеу, қиындықтарды жеңу және өзіне деген сенімділік тақырыбында әңгіме өрбітеді.