Хоккейден әлем чемпионаты: Бүгін Қазақстан Швецияға қарсы ойнайды
Финляндияда өтіп жатқан шайбалы хоккейден әлем чемпионатында Қазақстан құрамасы төртінші ойынын өткізеді, деп хабарлайды Olympic.kz.
Алматы, NEGE. В тобында бақ сынайтын Ғалым Мәмбетәлиев шәкірттері әлемнің үздік командаларының бірі - Швецияға қарсы шығады.
Ойын Астана уақытымен 19:20-да басталады.
Айта кетелік, бүгінге дейін Қазақстан командасы топтағы бір ойында ғана жеңіске жетті. Чемпионаттың беташар матчында біздің құрама Франциядан 3:2 есебімен басым түскен болатын.
Кейін Словакияға 2:6, Латвияға 0:2 есебімен жол берді. Турнир кестесінде қазақстандықтар 3 ұпаймен 7-орында келеді.