Хоккейден жастар арасындағы ӘЧ: Қазақстан жастары Венгриямен кездеседі
Бүгін шайбалы хоккейден Қазақстан жастар құрамасы әлем чемпионаты бірінші дивизионында алғашқы ойынын Венгрияға қарсы өткізеді.
Алматы, NEGE. Еске салсақ, қазақстандық хоккейшілер А тобында сынға түседі. Қарсыластары - Дания, Норвегия, Венгрия, Латвия және Беларусь. Ойындар Данияның Херсхольм қаласында 12-19 желтосқан аралығында өткізіледі. Қазақстанның қатысуымен өтетін ойын кестесі төмендегіше: 12 желтоқсан. 18:00. Венгрия - Қазақстан 13 желтоқсан. 18:00. Қазақстан - Норвегия 16 желтоқсан. 01:00. Қазақстан - Дания 16 желтоқсан. 21:30. Беларусь - Қазақстан 19 желтоқсан. 01:00. Қазақстан - Латвия. Бас бапкер Александра Истомин төмендегі хоккейшілерге сенім білдірді: Қақпашылар: Джелал-Ад-Дин Әмірбеков («Номад»), Максим Павленко, Роман Шефер (екеуі де – «Снежные Барсы»).
Қорғаушылар: Әли Әлібек, Дмитрий Бреус, Хақназар Кеңесбай, Эдуард Шетле, Абылайхан Сүлейменов, Владислав Комаров (барлығы – «Снежные Барсы»), Иван Гавриленко («Торпедо»). Шабуылшылар: Дінмұхамед Қайыржан, Аңсар Шайхмедденов (екеуі – «Барыс»), Станислав Александров («Номад»), Роман Ермак, Әли Қасенов, Дмитрий Колодюк, Всеволод Логвин, Абай Маңғысбаев, Константин Морожников, Алдияр Нұрлан, Руслан Оспанов, Николай Шульга, Даниил Цыбин (барлығы – «Снежные Барсы»).