Карикатура: "Халықтың арқасында..."
Депутат:
Өзіңіз көтердіңіз "Мәке" мені,
Әуелде сорым құрғыр екі елі еді.
Сіздің сөз кей жерлерге өтпегенде,
Әп сәтте аяқ тайып кетер еді.
Министр:
"Дәке" деп жүгіргендер бар қасыңда,
"Баяғым қайда" деме жар басында.
Қанжығаңды майлап ал, бәрімізде
Асап жүрміз халықтың арқасында.
P.S. Болады мұндай "ғажап" әр ғасырда,
Семіртер елді сөзбен алғашында.
Ешегі судан өтіп алғаннан соң,
Ішіп-жейді халықтың арқасында!
Арман ҚҰДАЙБЕРГЕН