Хакерлер журналист Асхат Ниязовтың және оның туыстары мен әріптестерінің WhatsApp нөмірлерін бұғаттап тастады
Хакерлер журналист Асхат Ниязовтың және оның ата-анасының, әйелі мен әріптестерінің WhatsApp нөмірлерін бұғаттады.
Алматы, NEGE. «Достар, менің WhatsApp-ым бұғатталды. Түнде менің әйелім, анам, әкем және (әріптесім) Назымгүлдің WhatsApp желісі де бұғатталып қалды», - деді Асхат Ниязов Instagram парақшасында.
Журналистің әлеуметтік желілеріне шабуыл 2023 жылдың желтоқсан айының соңында басталды. Кейін ол Telegram-ға кіре алмай қалғанын хабарлаған. Бұдан бөлек, оның Youtube арнасындағы видеоларына қорқыту мақсатындағы сын-пікірлер мен балағат сөздер жазылған.