Грекиядағы аралдың өртенуіне қазақстандықтардың қатысы жоқ боп шықты
Грекияда орманды өртеді деген күдікке ілінген туристердің арасында Қазақстан азаматтары жоқ, деп хабарлады Сыртқы істер министрлігі.
Алматы, NEGE. «Ақпарат жарияланғаннан кейін Қазақстанның консулы осы іске қатысты бірден Грекия билігіне хабарласты. Полицияның мәліметіне сәйкес, ұсталғандар арасында Қазақстан азаматтары жоқ», - делінген хабарламада.
Бұған дейін «Катимерини» газеті Қазақстаннан барған туристер Грекияның Гидра аралында яхтадан отшашу атып, орман өртіне себеп болғанын жазған.