Головкин жеңіліп көрмеген үш боксшының бірімен кездесуі мүмкін
In This Corner Boxing 24 Youtube-арнасы Геннадий Головкин (42-2-1, 37 КО) жекпе-жек өткізуі мүмкін боксшыларды атады, деп жазады Prosports.kz.
Алматы, NEGE. — Головкин барлық белбеуден бас тартты, оның алдағы жоспары әлі белгісіз. GGG Деметриус Андрадемен кездесуі мүмкін, сондай-ақ Хайме Мунгия немесе Джермалл Чарломен жекпе-жек өткізуі де ғажап емес, - деді арна авторы.
Айта кетейік, Джермалл Чарло (32-0, 22 КО) орта салмақта WBC тұжырымы бойынша әлем чемпионы. Хайме Мунгия (42-0, 33 КО) — супер орта салмақта WBC Silver белбеуінің иегері. Ал Деметриус Андраденің (32-0, 19 КО) белбеуі жоқ.