GGG мен Канело салмақ өлшеді
Қазақстандық боксшы Геннадий Головкин (42-1-1, 37 КО) мен мексикалық Сауль «Канело» Альварес (57-2-2, 39 КО) жекпе-жек алдында салмақ өлшеді, деп хабарлайды Sports.kz.
Алматы, NEGE. Головкиннің таразыдағы салмағы 167,8 фунта (76,11 килограмм), ал «Канело» — 167,4 фунт (75,93 килограмм) болды. Осылайша, екі боксшы да суперорта салмаққа белгіленген, яғни168 фунт (76,2 килограмм) лимиттен сәтті өтті.
Еске салайық, Головкин-Альварес жекпе-жегі 18 қыркүйек күні (Астана уақытымен) Лас-Вегастың (США) T-Mobile Arena кешенінде өтеді.
Қазақстандықтар бокс кешін «Qazaqstan» және «Qazsport» телеарналарынан тікелей эфирден көре алады. Басталуы – 18 қыркүйек, сағат 05:00. Басты айқас шамамен 08.00-де.