Футбол федерациясы «Ордабасы» – «Атырау» кездесуіндегі төрешілер қателігін мойындады
4 сәуір күні Шымкентте «Ордабасы» – «Атырау» арасындағы матч 1:1 есебімен аяқталды, алайда екі команданың жанкүйерлері де төреші Санжар Исақовтың жұмысына наразылық білдірді.
Астана, NEGE. Көрермендер «Атырау» командасы соққан голдың есепке алынбағанын әділетсіз деп санады, сондай-ақ негізгі уақытқа қосылған 10 минут ішінде «Ордабасы» пайдасына пенальти белгіленгеніне де қарсылық білдірді.
Қазақстан футбол федерациясының Төрешілік және қадағалау департаментінің директоры Нуну Каштру Премьер-лиганың 4-туры матчтарындағы кейбір ойын сәттеріне қатысты түсіндірме беріп, төрешілер мен VAR тарапынан жіберілген үш негізгі қателікті растады.
«82-минутта төреші мен көмекшісі бастапқыда голды дұрыс есептеген. Эпизодты қарағаннан кейін VAR-дың араласуы – қате. Эпизодты қайта қарағаннан кейін голды офсайд деп есептемеу – төрешінің қате шешімі», – делінген федерация түсіндірмесінде.
Ал 90 7-минутта төреші пенальтиді қателесіп тағайындаған.
«VAR араласпауы – қате. Төрешінің пенальти тағайындау қорытынды шешімі – қате», – дейді ҚФФ өкілдері.
Матчтың 90 13-минутында төреші абайсыз әрекет үшін сары қағаз берудің орнына ойыншыны алаңнан қуу жөнінде қате шешім қабылдаған.