Еуропада коронавирустың алғашқы құрбаны тіркелді
80 жастағы Қытай азаматы Францияда көз жұмды. Ол – Еуропада коронавирустан қайтыс болған бірінші адам.
Алматы, NEGE. Бұл туралы Франция Денсаулық сақтау министрі Аньес Бузеннің сөзіне сілтеме жасап, BFMTV телеарнасы хабарлады.
«Бұл адам Францияға 16 қаңтар күні Қытайдың Хубэй аймағынан туристік сапармен келген. Ол Bichat ауруханасына 25 қаңтар күні жатқызылды. Жағдайы күннен-күнге төмендей берді. Соңғы күндері ол жансақтау бөлімінде ес-түссіз жатты» дейді, Аньес Бузен.