Ертісбаев пен Бапи: ҚХП мен ЖСДП бұрынғы басшыларына қатысты даулы мәселелерге жауап берді
Бүгін SAILAU Talks жобасы аясында Қазақстанның халық партиясы (ҚХП) мен Жалпыұлттық социал-демократиялық партия (ЖСДП) төрағаларының қатысуымен онлайн дебат өтті.
Астана, NEGE. Тікелей эфир барысында партия басшылары Ермұхаммед Ертісбаев пен Ермұрат Бапиге қатысты қоғам арасында айтылып жүрген пікірлер мен партия ішіндегі өзгерістерге байланысты мәселелерге жауап берді.
Дебат барысында жүргізушілер ҚХП-ның медиа кеңістіктегі белсенділігін атап өтіп, ҚХП төрағасы Нұрсұлтан Шоқаннан партияның бұрынғы төрағасы Ермұхаммед Ертісбаевтың қазіргі уақытта партиядағы ықпалы туралы сұрады. Партия төрағасының сөзінше, партияда негізгі шешімдерді өзі қабылдайды.
«Ол менің кеңесшім болып қалды. Мен өз шешімдерімді қабылдаймын, мені әріптестерім толық қолдады. Бүгінде партияның жаңа лидері бар екені түсінікті. Бірақ біз өз кадрларымыздан бас тартпаймыз», – деді ҚХП төрағасы.
Дегенмен Нұрсұлтан Шоқан Ертісбаевтың мемлекеттік қызметтегі тәжірибесі партия үшін маңызды ресурс деп санайтынын атап өтті. Сол себептен ҚХП партияларының мүшелері Ертісбаевтың кеңесіне кез келген уақытта жүгіне алады.
«Мен бұл партияға Ермұхаммед Ертісбаевтан бұрын келгенмін. 2020 жылы мен партияда болғанда, ол енді ғана партия қатарына қосылған еді. Сондықтан бұл партияға менің тікелей қатысым бар. Мен бастығымын», – деді ол.
ЖСДП төрағасы Асхат Рахимжанов өз кезегінде партияның бұрынғы төрағасы Ермұрат Бапидің партиядан «қуылғаны» туралы пікірлерге жауап берді. Оның айтуынша, Бапи партияның ортақ шешімі бойынша кеткен.
«Біріншіден, оны қуған жоқ. Съезд болды. Съезд – партияның ең жоғары басқару органы. Онда барлық шешімдер қабылданады, соның ішінде партия басшылығы сайланады. Күн тәртібіне партия басшылығын өзгерту туралы мәселе енгізілді. Делегаттар дауыс берді», – деді ЖСДП төрағасы.
Рахимжанов экс-депутат Ермұрат Бәпидің партиядан кетуінің басты себебін ЖСДП-ны «сатып жіберу» қаупімен түсіндірді.
«Бізде Ермұрат Бапидің ЖСДП төрағасы қызметінде қалуына қатысты мәселені көтеруге өзіндік себептер болды. Қазір біз ҚХП-ға айналып кетер едік, онда тек бизнесмендер отырар еді және социалистік партияның ешқандай белгісі қалмас еді», — деді ол.
ЖСДП төрағасының айтуынша, партия съезінде басты назар оның болашағына аударылған. Ол партия мүшелері мен сайлаушылардың мүддесі бірінші орында тұратынын атап өтті.