2 декабря 2025 г. 11:48
Ерекше балалардың аналарын «жүргіш» деген блогер полицияға жеткізілді
Астанада ерекше күтімді қажет ететін балалардың ата-аналарын қорлаған блогер ұсталды.
Астана, NEGE. Әлеуметтік желіде блогер әйел ерекше балалардың дүниеге келуін аналардың «жүргіш» болғанымен байланыстырған. Бұл сөз ата-аналардың ашу-ызасын туғызып, үлкен дауға айналды.
Полиция блогердің әрекетіне қатысты әкімшілік іс қозғады.
«Видео авторы ұсталып, полиция бөліміне жеткізілді. Ұсақ бұзақылық фактісі бойынша жиналған материалдар шешім қабылдау үшін сотқа жіберіледі», – деп хабарлады ведомство.
Полиция азаматтарды контент жариялау кезінде жауапты болуға, өзге адамдардың құқығы мен сезімін құрметтеуге және қоғамдық мораль мен этика нормаларын сақтауға шақырды.
