Эмманюэль Макрон Қасым-Жомарт Тоқаевтың Францияға сапары туралы жазба жариялады
Франция Президенті Эмманюэль Макрон Х әлеуметтік желісіндегі парақшасында Қазақстан мен Франция арасындағы ынтымақтастық, Қазақстан Президентінің Францияға сапары туралы жазба жариялады.
Алматы, NEGE. «Қош келдіңіз құрметті серіктес, құрметті дос. Сіздің мемлекеттік сапарыңызбен біз Қазақстан мен Францияны, қазақстандықтар мен француздарды біріктіретін терең достықты атап өтудеміз», – деп жазды Эмманюэль Макрон.
Естеріңізге сала кетейік, Қасым-Жомарт Тоқаев Франция Республикасына мемлекеттік сапармен келген болатын.
Қасым-Жомарт Тоқаевтың Франция Республикасына мемлекеттік сапары салтанатты қарсы алу рәсімінен басталды.
Мемлекет басшысын әскери оркестрдің сүйемелдеуімен Президент Эмманюэль Макрон қарсы алды.