18 апреля 2022 г. 19:38
Елордада самокат теуіп келе жатқан үш жасар баланы көлік қағып кетті
Елордада самокат теуіп келе жатқан үш жасар баланы көлік қағып кетті, деп хабарлайды Нұр-Сұлтан қаласының Полиция департаментінің баспасөз қызметі.
Нұр-Сұлтан, NEGE. «Mitsubishi» автокөлігінің жүргізушісі Мыңарал көшесіндегі үйдің аула аумағымен келе жатып, солға бұрылар сәтте самокатпен келе жатқан 2019 жылы туған баланы қағып кеткен. Жол-көлік оқиғасы салдарынан бүлдіршін дене жарақатын алды. Қазіргі уақытта аталған факті бойынша істің мән-жайын анықтау жұмыстары жүргізілуде. «Биылғы жылдың басынан бері қала аумағында кәмелетке толмағандардың қатысуымен 14 жол-көлік оқиғасы тіркелген, мерт болғандар жоқ»,– делінген хабарламада