Елорда маңына қатынайтын барлық қоғамдық көлік тоқтатылды
Көктайғақ салдарынан елорда маңына қатынайтын барлық маршруттық автобустардың қозғалысы шектелді.
Нұр-Сұлтан, NEGE. Қоғамдық көлікке жауапты CTS компаниясы Instagram арқылы осындай хабар таратты. «Ауа райына байланысты көктайғақ салдарынан қала шетіне қатынайтын барлық маршруттық автобустардың қозғалысы шектелді» - делінген хабарламада. Қала ішіндегі маршруттық автобустардың қозғалысы да баяулап жатыр. Көлік компаниясы кейбір қала ішіндегі автобустар кестеден кешігуі мүмкін екенін ескертіп, тұрғындарды жағдайға түсіністікпен қарауды шақырып отыр.