Елімізде әскери оқу орындарына түсу қағидалары өзгерді

Алматы, NEGE. Талапкерлер өтінішті әскери колледждердегі қабылдау комиссияларына тапсырады немесе электрондық үкімет порталы (egov.kz) арқылы жеке ЭЦҚ-мен немесе ұялы байланыс операторы ұсынған абоненттік нөмірді порталдағы жеке кабинетке тіркеген және қосқан жағдайда бір реттік құпиясөзбен растап, құжаттар пакетін тіркейді.

Құжаттар тізімі:

— Еркін нысандағы өтініш немесе рапорт (тегі, аты-жөні, туған күні, тұрғылықты мекенжайы, заңды өкілдерінің байланыс деректері көрсетіледі);

— Жеке куәлік (түпнұсқа тексеру үшін) немесе цифрлық құжаттар сервисінен электронды нұсқасы; 16 жасқа толмағандар үшін туу туралы куәліктің көшірмесі (түпнұсқа тексеру үшін);

— Әскери билет көшірмесі (тек әскери қызметшілер мен қордағы әскери қызметшілер үшін, түпнұсқа);

— Жалпы орта немесе техникалық және кәсіптік білім туралы аттестат/диплом (түпнұсқа және көшірме); әскери колледжге негізгі орта білім негізінде түсетіндер үшін негізгі орта білім туралы куәлік;

— ҰБТ сертификаты (әскери колледжге түсетіндер мен мерзімді әскери қызметін өткеріп, конкурстан өткендерден басқа); кемінде 50 балл, оның ішінде бейіндік пән бойынша — кемінде 7 балл, басқа пәндерден — кемінде 3 балл;

— 075/у нысанындағы медициналық анықтама және келесі зерттеулер (оқу орнына келгенге дейінгі соңғы 30 күн ішінде алынған):

— жалпы қан талдауы;

— сифилиске микрореакция;

— жалпы зәр талдауы;

— мұрын қуысының рентгенографиясы;

— 12 арналы ЭКГ (тыныштықта; қажет болса жүктемемен);

— кеуде қуысын флюорография (үш айдан кешіктірілмей);

— бруцеллезге қан талдауы (мал ұстайтындарға);

— амбулаториялық науқас картасы;

— екпе картасы.

Ұшу мамандығына түсетін талапкерлер қосымша:

— Жүктемеден кейінгі ЭКГ;

— Қалқанша безі, жүрек, несеп-жыныс жүйесі УДЗ;

— Қандағы қант, В және С гепатит маркерлері;

— Тоналды аудиометрия;

— Электроэнцефалография.

Қосымша құжаттар (бар болса):

Спорттық разряд, республикалық немесе халықаралық жарыстардағы жүлделі орын, білім олимпиадаларындағы жүлделер туралы құжаттар (мерзімді қызметін өткеріп, конкурстан өткендерден басқа);

3×4 өлшемді 4 фотосурет;

Ата-анасының қамқорлығынсыз қалған балалар (ата-анасының қайтыс болуы, құқығынан айырылуы, хабар-ошарсыз кетуі және т. б.) тиісті құжаттар көшірмесі (түпнұсқамен салыстыру үшін);

Әскери қызметте қаза тапқан немесе мүгедек болған, із-түзсіз жоғалған әскери қызметшілердің балалары — жергілікті әскери басқару органының анықтамасы;

Арнайы тексеруден өткені туралы анықтама (негізгі орта білім негізінде түсетіндерден басқа);

Мерзімді әскери қызмет өткергендер — әскери бөлімдегі конкурстан өткені туралы сертификат.

Қосымша шарттар:

Жалпы орта білім негізінде түсетіндер 10 маусымға дейін жергілікті әскери басқару органына немесе портал арқылы өтініш береді;

Оқуға қабылданғандар әскери колледж аумағында тұрады және бейбіт уақыт нормалары бойынша тамақпен қамтамасыз етіледі;

Жалпы орта білім негізінде оқуға қабылданғандар әскери қызмет өткеру туралы келісімшарт жасасады;

Негізгі орта білім негізінде оқитындар 3-курсқа көшкенде келісімшарт жасасады;

Оқуға қабылданғандар 29 тамызға дейін колледжге келуге тиіс;

Құжаттар толық ұсынылса — «жеке кабинетке» қабылданғаны туралы хабарлама жіберіледі;

Мерзімді әскери қызмет өткергендер оқу жылында 24 жасқа толмаған болса, 10 маусымға дейін өтініш береді;

Қайта оқу үшін — еркін нысандағы өтініш пен транскрипт ұсынылады;

Құжаттар толық болмаса немесе мерзімі өтіп кетсе, өтініш қабылданбайды. Портал арқылы өтінген жағдайда — «жеке кабинетке» бас тарту мәртебесі жіберіледі. Мемлекеттік қызмет көрсету нәтижесі қағаз немесе электронды түрде ұсынылады.