Елімізде алдағы күндері ауа райы күрт суытып, аяз күшейеді
Қазақстанның бірқатар өңірінде 6-8 ақпан аралығында аяз күшейеді, бұрқасын соғып, қар аралас жаңбыр жауады, көктайғақ болады деп болжанып отыр.
Астана, NEGE. Бұл туралы Төтенше жағдайлар министрлігі хабарлады.
Ведомство мәліметінше, 6 ақпанда Ақтөбе, Қостанай, Солтүстік Қазақстан, Ақмола, Қызылорда, Түркістан және Жамбыл облыстарында ауа температурасы күрт төмендейді деп болжанып отыр.
Ақтөбе облысында ауа температурасы түнде 23-28 градусқа дейін, Қостанай облысында 20-25 градусқа дейін, Солтүстік Қазақстан облысында 18-23 градусқа дейін түседі.
Ақмола облысының батысында, солтүстігінде ауа температурасы түнде және күндіз 15-20 градус аязға дейін күрт төмендейді.
Жамбыл, Абай және Түркістан, Жетісу облыстарында жел күшейеді, кей аумақтарда екпіні 23-28 м/с-ке дейін жетеді, тау бөктерінде жел екпіні 30 м/с және одан асады деп болжанады.
Түркістан, Қызылорда, Жамбыл, Алматы және Жетісу облыстарында, сондай-ақ елдің бірқатар орталық және солтүстік өңірінде қар аралас жаңбыр жауады.
Ақмола, Павлодар, Қарағанды, Солтүстік Қазақстан, Қостанай, Шығыс Қазақстан облыстарында және Ұлытау облысында боран, көктайғақ және тұман болжанып отыр.
Астанада жауын-шашын болады, кей уақытта қатты қар жауып, көктайғақ болады, бұрқасын соғады. Желдің екпіні секундына 20 метрге дейін жетуі мүмкін.
7 ақпанда Ақмола облысы, Ұлытау облысы, Павлодар және Қарағанды облыстарында аяз күшейеді. Бұл өңірлерде түнде ауа температурасы 17-22 градус аралығында болады.
Астанада 7 ақпанда ауа температурасы түнде 18-20 градус аязға дейін күрт төмендейді.
8 ақпанда Шығыс Қазақстан облысында ауа температурасы түнде 10-15, облыстың солтүстігінде, шығысында 18 градус аязға дейін күрт төмендейді.