Елімізде 1066,0 мың шаршы шақырым жерде оба ошағы бар

Алматы, NEGE. «Қазақстан Республикасының аумағында обаның табиғи ошақтары бар, олардың жалпы аумағы 1066,0 мың шаршы шақырымды құрайды», - делінген ҚазТАГ сауалына берілген жауапта.
Бұл ретте атап өтілгендей, «Қазақстан Республикасының аумағында профилактикалық және эпидемияға қарсы шараларды және обаның табиғи ошақтарының эпизоотиялық жағдайына мониторинг жұмыстарын обаға қарсы мекемелер – ҚР ДСМ Алматы қаласы «М. Айқымбаев атындағы карантиндік және зоонозды жұқпалар Қазақ ғылыми орталығы» ШЖҚ РМК және оның тоғыз филиалы жүзеге асырады.
Бұған дейін БАҚ-тар хабарлағандай, Моңғолияда жасөспірімнің без обасынан қайтыс болу жағдайы тркелген еді, тағы екі адам ауыр халде жатыр. Алдын-ала болжам бойынша олар суыр етін жеген. Науқастардың бірі ауырғаннан кейін 40 адаммен тікелей байланыста болса, 600-і әлеуетті байланыста болғандар. 29 маусымда Моңғолиядағы Ховд аймағының екі ауданында карантин енгізілген. Сонымен қатар оба жұқтыру дерегі Қытайда да тіркеліп отыр.