Елеусіз қалған Іле
Атақты Тянь-Шань тауларынан бастау алып, сағасы Балқашқа құятын Іле өзенін қазақ халқы «су болса да, нұр» деп қастерлеген. Ағынды суға, тіпті, шекара да шектеу қоя алмаған-ау, Қытай мен Қазақстан елін «өзіндей» көріп, бөтенсімей, еркелеген күйі еркін ағады. Ұзындығы 1439 шақырым болатын бұл өзеннің 815 км-і Қазақстанға тиесілі. Іле су көлемі бойынша, біздің мемлекетте Ертіс пен Жайықтан кейінгі 3-ші орында. Іле өзені Текес және Күнгес өзендерінің бірігуі арқылы Бaлқaш көліне құяды. Оған қоса, Қапшағай су қоймасын қамтасыз етіп отыр. Екі елді еркін төстеп, сағасымен Балқашты кеңейткен осындай су қайнары жылдан-жылға тартылуда. Ластану жағы да күн өткен сайын күшейіп келеді. Залалы кімнен, себебі қайсы?