Елена Рыбакина US Open финалына шықты
Нью-Йоркте АҚШ ашық чемпионатының әйелдер арасындағы жекелей сында жартылай финалдық матчы аяқталды.
Астана, NEGE. Қазақстанның бірінші ракеткасы Елена Рыбакина америкалық Кори Гауффты жеңді.
Матч 2 сағат 9 минутқа созылды, Рыбакина қарсыласын 3:6, 6:4, 6:4 есебімен жеңді.
US Open-2026 финалында Елена Рыбакина әлемнің бұрынғы бірінші ракеткасы, турнирдің қазіргі чемпионы, Беларусь өкілі Арина Соболенкоға қарсы ойнайды.
Еске салсақ, бұған дейін Елена Рыбакинаның US Open турнирінің жартылай финалына шығып, WTA рейтингінде бірінші орынға көтерілгенін жазған едік. Ширек финалда ол Қытай теннисшісі Чжэн Циньвэньді 3:6, 6:1, 6:4 есебімен жеңді. Осы жеңістен кейін Рыбакинаның жинаған ұпайы әлемдік рейтингте көш бастауына жол ашты.