Елена Рыбакина Аустралия ашық чемпионатының төртінші айналымына шықты
Қазақстанның бірінші ракеткасы, әлемнің 7-ракеткасы Елена Рыбакина Мельбурнда өтіп жатқан Аустралия ашық чемпионатының төртінші айналымына жолдама алды.
Алматы, NEGE. Үшінші айналымда қазақстандық теннисші әлемнің 33-ракеткасы, украиналық Даяна Ястремскаямен кездесті.
Бірінші сетте Рыбакина денсаулығына байланысты медициналық көмек алғанымен, кейін ойынға қайта оралып, 6:3 есебімен жеңіске жетті. Екінші сетте Ястремская біраз уақыт алға шықса да, Рыбакина 6:4 есебімен жеңіп, матчты өз пайдасына шешті.
Бәсеке 1 сағат 23 минутқа созылды. Рыбакина 2 эйс пен 11 брейк-пойнттың 3-ін пайдаланды. Ал Ястремская 5 эйс жасап, 1 брейкпен 4 брейк-пойнт пайдаланды.
Енді Рыбакина ширек финалға шығу үшін америкалық теннисшілер Даниэль Коллинз немесе Мэдисон Киздің арасындағы жеңімпазбен кездеседі. Қазіргі уақытта Рыбакина WTA Live рейтингісінде бесінші орынға көтерілді.