Елдос Сметов шетелге оқуға кетті
Бұған дейін Сметов Лондонға тіл үйрену мақсатында кететінін мәлімдеген еді.
Алматы, NEGE. Ол Парижден келген бойда шетелдегі жарыстарда тіл тұрғысынан қиналып, біршама кедергілерге тап болатынын айтқан. Енді осы кемшіліктің орнын толтырмақшы. Оқу курсы 4 айға созылады.
«Қазіргі жоспар – ағылшын тілін үйрену. Сәтін салса, қаңтар айының басында Лондонға 4-5 айға ағылшын тілін үйренуге барамын. Бұл бірінші кезектегі жоспар, кейін спортты дамытуға үлес қосу үшін жаттығуды жалғастырамыз», – дейді Сметов.