Елдегі эпидемиологиялық жағдай қандай?
2 тамызда аяқталатын карантин режимі кезінде Қазақстан эпидемиологиялық жағдайды тұрақты ете алды. Бұл туралы премьер-министр Асқар Мамин мәлімдеді.
Алматы, NEGE. Үкімет отырысында коронавирус инфекциясымен күрес шаралары және елдегі эпидемиологиялық жағдай талқыланды.
2020 жылғы 2 тамызда аяқталатын карантин режимі кезінде Қазақстанда эпидемиологиялық жағдайды тұрақты және медициналық ұйымдардың жүктемесі айтарлықтай азайды.
Сондай-ақ аймақтарда дәрілердің қажетті қоры құрылғаны хабарланды.
«Бізге қазіргі эпидемиологиялық жағдай көрсеткіштерін жақсарту керек. Бүгін Денсаулық сақтау министрлігі карантин шараларын кезең-кезеңімен алып тастауды ұсынды. Осы айдағы жағдайды ескере отырып, біз бұл жоспарды мемлекеттік комиссия отырысында қараймыз және тиісті шешім шығарамыз», – деді Асқар Мамин.
Елімізде аурудан айыққандардың саны 63 пайыздан артты. Тәулік сайын жұқтыратындардың көрсеткіші 4 пайыздан 1,7 пайызға, стационарларда төсек-орын 46 пайызға дейін, жедел жәрдем шақыру 38 пайыз төмендеді.