3 февраля 2026 г. 10:37
Екінші АЭС те Алматы облысында салынады
Қазақстан үкіметі екінші атом электр станциясы салынатын аудан бойынша шешім қабылдады.
Астана, NEGE. Тиісті қаулыға премьер-министр Олжас Бектенов қол қойды. Қаулыға сәйкес екінші АЭС Алматы облысы Жамбыл ауданында салынады.
«"Екінші атом электр станциясы" ядролық қондырғысын салу және Алматы облысының Жамбыл ауданы – ядролық қондырғы салынатын аудан туралы шешім қабылдансын», – делінген «Әділет» ақпараттық-құқықтық жүйесінде жарияланған құжатта.
Қаулы қол қойылған күннен – 2026 жылғы 26 қаңтардан бастап қолданысқа енгізілді.
