Екібастұздағы өрт: Жас жігіттің денесі табылды (видео)
Бүгін, 26 шілде сағат 13:24-те Екібастұз қаласындағы автогаз құю бекетінен өрт шықты.
Алматы, NEGE. ТЖД 4 цистернаның жанып жатқандығын хабарлады. Оқиға орнында шамамен 40 газ баллоны болған. Өрт болған аумақтан ер адамның денесі табылды. Марқұмның жеке басы анықталып жатыр.
«Автогаз құю бекетіндегі өртті сөндіру кезінде цистернаның жанынан 2006 жылы туған жігіттің денесі табылды. Оқиғаның себебі анықталуда, өрт сөндіру жұмыстары жалғасып жатыр», - делінген ТЖД таратқан мәліметте.