Екібастұзда ірі өнеркәсіп кластерінің құрылысы басталды
Павлодар облысының Екібастұз қаласында ірі металлургия кластерінің құрылысы басталды. Бірінші кәсіпорынның капсуласын инвестор компанияның акционері Сергей Кан мен аймақ басшысы Әбілқайыр Сқақов енгізді.
Алматы, NEGE. Әкім атап өткендей, жобаның бастауы Қасым-Жомарт Тоқаевтың Сеулдегі кездесуі кезінде Оңтүстік Корея мен Қазақстанның инвестициялық әріптестігі туралы келісімнен басталып отыр.
Кластер құрылысының бастапқы кезеңінде қуаттылығы 160 мың тонна өнімді құрайтын ферроқорытпалар өндірісін іске қосу жоспарланып отыр. Жалпы алғанда, үш кәсіпорын, тағы да екі зауыт – болат өндіру және металлды қайта өңдеу кәсіпорындарын салу жоспары бар. Жобаға құйылатын инвестициялардың жалпы көлемі – 360 млн АҚШ доллары.
«Жобаларды жүзеге асыру 2025 жылға қарай ҚР-ғы болат өнімдерінің импортын 70%-ға азайтуға, облыстың қайта өңдеу өнеркәсібінің көлемін 57%-ға арттыруға, сонымен бірге, үш мыңға жуық өңір тұрғындарын тұрақты жұмыс орындарымен қамтамасыз етуге мүмкіндік береді», – деді Павлодар облысының әкімі Әбілқайыр Сқақов.
Ол кластер құрылысының басталуы қала экономикасының шикізаттық емес секторын 1 триллион теңгеге дейін ұлғайтуды көздейтін Екібастұздың Кешенді даму жоспарын (КДЖ) іс жүзінде жүзеге асырудың бөлігі екенін атап өтті. Атап өту керек, инвесторлар өндірісте шығарындыларды 99,9%-а дейін тазалау және қалдықтарды толықтай өңдеу технологиясын енгізуді жоспарлап отыр.
«Мемлекет инвесторлар үшін инвестициялық преференциялар мен барлық қажетті инфрақұрылымды тарту мүмкіндігі түрінде қолайлы жағдай жасап отыр. Павлодар облысын таңдауда шикізат базасының, білікті техникалық кадрлардың болуы, сондай-ақ, өңірдің энергетикалық мүмкіндіктері маңызды фактор болды», – деп атап өтті Сергей Кан.
Еске салайық, Екібастұздың КДЖ-ың құру ел Президенті Қ.Ж. Тоқаевтың бастамасы бойынша жүзеге асырылған еді. Жоспарды әзірлеу қоғамдастық пен сраапшылардың кеңінен талқылауынан кейін өткен жылы қабылданған еді. Жалпы, Павлодар облысының 2025 жылға дейінгі инвестициялық жобалар портфелінде жалпы құны 2 триллион теңгені құрайтын 143 жоба бар, ал, құрылатын жаңа жұмыс орныдарының саны – 10 мыңға жуық.
