«Дикий» Арман министр болғысы келе ме?
Сербияның Белград қаласындағы бокстан әлем чемпионаты аяқталуға жақын. Жартылай финалға жолдама алған 5 боксшымыз бүгін бақ сынайды.
Алматы, NEGE. Қайрат Сатжанов бастаған оғландар Белград төрінде өрнекті ойын көрсетті. Ширек финалда бақ сынаған 10 боксшымыз да жүлдеге әбден лайықты еді. Бірақ, тек 5 қазақстандық финалдық сайыс үшін жекпе-жек өткізеді.
Токио Олимпиадасы, оған дейінгі Азия біріншілігі кезінде қазақ боксшыларының ойыны тым сүреңсіз һәм нәтижесіз болған-ды. Белградқа барған 13 спортшының 10-ы ширек финалға өтіп, әуесқой бокс жанкүйерлерін таңқалдырды. Ұлттық құраманың бұл жетістігін екі фактормен байланыстыруға болады. Біріншісі, бас бапкер ауысып, құрамаға жаңа леп алып келді. Екіншісі, Штарк Аренадағы жанкүйерлер қолдауы.
Боксшыларымызға «Дикий» лақапатымен танылған Арман Жұмагелдиев ерекше қолдау көрсетіп жатыр. Олардың әр жекпе-жегін жібермей, тіпті, алаң сыртында отырып дауыс ұлғайтқыш арқылы ақыл-кеңесін білдіруде. Оны видеокадр сыртынан шыққан дауыстан байқауға болады. Арманның өзі де боксшыларды алаң сыртында қайрап, жігерліндіргенін желіге тараған видеодан көрдік.
Одан қала берді, Белградтағы біріншіліктің ширек финалында сүрінген 5 боксшыға 2 мың АҚШ доллары көлемінде сыйқы табыстады.
Арман спорт және мәдениет министрінің жұмысына кіріскен сыңайлы. Тіпті, желі қолданушылары «Бас бапкер болуға лайықты азамат» деген пікір білдіріпті. Әлем біріншілігіне келген танымал азаматтарға шапан жауып, сый-құрмет көрсетіп жүрген Арманның ойлағаны не?
Бас бапкер не спорт министрі лауазымы Арман үшін қызықты ма білмедік, әйтсе де Белградта қазақ боксшылары көрсеткен табандылық пен мінезде Жұмагелдиевтің үлесі бары анық.
