Депутат сиыр сауудан мастер-класс көрсетті
Мәжіліс депутаты Қарақат Әбден әлеуметтік желідегі парақшасында Алматы облысына сапары барысында шаруашылықтардың бірінде сиыр сауып жатқан видеосын жариялады.
Астана, NEGE. Депутат бұрын талай сиыр сауғанын еске алып, бір рахаттанып қалғанын айтады.
«Кезінде біраз сиыр саудық қой. Ұмытып кетті деп ойламаңыздар. Сиыр сауу – әр қазақ әйелінің қанында бар нәрсе. Қанша уақыт өтсе де оны ұмытпаймыз.
Жақында ғана "сиыр саууды сағындым" деп ойлап едім. Релакс деген осы ғой», – дейді Қарақат Әбден.
«Мына сиырдың арманы жоқ» деген желі қолданушылары депутат ханымға жылы лебіздерін білдіріпті.
Қарақат Әбден – Қазақстан Республикасы парламенті мәжілісінің VIII шақырылым депутаты, «Ауыл» фракциясының мүшесі.