Денсаулық сақтау министрі Ясауи университетінің Клиника-диагностикалық орталығын аралады
Қазақстан Республикасының Денсаулық сақтау министрі Ақмарал Әлназарова Түркістан облысына жасаған іс-сапары барысында Қожа Ахмет Ясауи атындағы Халықаралық қазақ-түрік университетіне арнайы келді.
Түркістан, NEGE. Министр Ақмарал Әлназарова оқу ордамыздың Клиника-диагностикалық орталығын аралап, жұмысымен танысты.Таныстыруға университеттің басшылық құрамы мен Клиника-диагностикалық орталық қызметкерлері мен дәрігерлері, Медицина факультетінің оқытушы-профессорлар құрамы қатысты.
Министр Клиника-диагностика орталығындағы озық технологиялармен қамтамасыз етілген бөлімдерін аралады. Атап айтқанда: Қалпына келтіріп емдеу және медициналық оңалту бөлімі, Микробиология лабораториясы, Адам мофологиясы және физиологиясы кафедрасының жұмыстарын көрді.
Сондай-ақ, университеттің Медицина факультетінің студенттеріне арналған мол мүмкіндіктері, клиниканың алдағы уақыттағы жоспарлары мен жаңа жобаларын тыңдап, жоғары бағасын берді.
Министр Ақмарал Әлназарова оқу орда мен Клиника-диагностикалық орталығының ісіне сәттілік тіледі.