Демалыс күндеріне арналған ауа райы болжамы белгілі болды

Алматы, NEGE.  Демалыс күндері еліміздің басым аумағында күн жаңбырлы болады. 

Алдағы күндері Қазақстанның батысы мен солтүстік-батысында күн ашық.

«Елдің қалған бөлігінде күн жаңбырлы. Кей өңірде найзағаймен бірге өткінші жаңбыр жауады, жел соғады. Республиканың орталығында, солтүстігінде, оңтүстігінде және оңтүстік-шығысында қатты жаңбыр жауады. Бұршақ жауып, жел күшеюі мүмкін», - деп хабарлайды Қазгидромет.

Температуралық фон: Күндіз батыста +30...+37°С, оңтүстік-батыста +27...+37°С, солтүстік-батыста +27...+35°С, солтүстікте, шығыста +22..+30, орталықта +20...+28, республиканың оңтүстігінде, оңтүстік-шығысында +30...+35°С, таулы аймақтарда +25°С шамасында.