Демалыс күндері локдаун жарияланды
Павлодар облысында карантиндік шаралар қайта күшейтілді, деп хабарлайды «Хабар 24».
Алматы, NEGE. Жыл басынан бері аймақта 6 мыңнан аса нысан тексерілген. Олардың 40 шақтысы әкімшілік құқық бұзушылыққа жол берді. Санитарлық-эпидемиологиялық бақылау департаментінің мәліметінше, облыстың 12 қаласы мен ауданы қазір «қызыл» аймақта тұр. Ал Баянауыл «сары» аймақта. Індеттің жаппай таралуына карантиндік талаптардың сақталмауы себеп. Енді облыста демалыс күндері локдаун жарияланып, қоғамдық көліктер жүруіне тыйым салынды.