3 августа 2025 г. 12:18
БҰҰ Бас хатшысы Антониу Гутерриш Қазақстанға келді
Мәртебелі мейманды Алматы әуежайында ҚР Премьер-Министрінің орынбасары – Сыртқы істер министрі Мұрат Нұртілеу, Алматы қаласының әкімі Дархан Сатыбалды, Қазақстанның БҰҰ жанындағы Тұрақты өкілі Қайрат Омаров және БҰҰ-ның Қазақстандағы Тұрақты үйлестірушісі Саранго Раднарагча қарсы алды.
Алматы, NEGE. БҰҰ Бас хатшысы Антониу Гутерриш сапар аясында Қазақстан Президенті Қасым-Жомарт Тоқаевпен кездеседі.
Кездесуде жаһандық және өңірлік сын-қатерлер, тұрақты даму, климат мәселелері мен Қазақстанның халықаралық күн тәртібіндегі рөлі талқыланады.
