Бұл саған ЖК емес. «Qazaq Stroy» қожайынының калий бизнесі НЕГЕ жүрмей жатыр?
«Qazaq Kalium LTD.» жеке компаниясы 2024 жылды 573 миллион теңгемен аяқтады. Калий өндіруші кәсіпорын «Qazaq Story» мен «Exclusive-Qurylys» құрылыс компаниялары арқылы ірі кәсіпкерлер тізіміне енген Нұрлан Артықбаевқа қарайды.
Оның құрылыс бизнесі жақсы жүріп жатса, калий бизнесі керісінше болмай тұр. Себебі өндіріс әлі калий тыңайтқыштарын сатып выручкаға шыға қоймаған. Жинақталған шығын көлемі 700 миллион теңгеден асты.
«Qazaq Story Almaty» калий бизнесінің жүруі үшін 5,2 миллиард теңге бөлген болатын. Әзірге «Qazaq Kalium LTD.» компаниясы осы ақшаны жеп жатыр. Өндіріс жолға қойылып, тыңайтқыштар сатыла бастаса, Нұрлан Артықбаев калийге салған өзінің инвестициясын ақырындап қайтара бастауы тиіс.
Біз кәсіпкер Нұрлан Артықбаевтың өзінің құрылыс изнесін әртараптандыруға көшкенін көріп отырмыз. Калий бизнесінен басқа, ол өзінің портфеліне телекоммуникация саласын да қосты.
Оның "Telecom Systems Ltd." компаниясы былтырғы жыл аяқталып жатқанда бұрынғы Jusan банкіне тиісті «Қазақтелеком» компаниясыы4 акцияларын сатып алған болатын.
Тақырыпқа орай: Теlе 2:0 Қазақтелеком. Ұлттық компания НЕГЕ алаңдатып отыр?
Нұрлан Артықбаев «Қазақтелекомның» 9,19% жай акциялар пакетін 42,77 миллиард теңгеге алды. Сонда кезіндегі Жусан банк 983 350 жай акцияның әрқайсысын 43 497,82 теңгеден өткізген.
Биылғы жарты жылда «Қазақтелеком» тобының таза табысы 130,9 миллиард теңгеге шығып отыр. Бұл былтырғы сәйкес көрсеткіштен 7 есе көп. Сондықтан Артықбаев керемет инвестиция жасады деп айтуға болады. Калий шығын әкелсе де, телекомнан ұтылмайтыны анық.
