12 октября 2024 г. 9:45
Бүгін түнде марқұм Шерзаттың үйі өртенді
16 жастағы баланың жетісі өтпей жатып, әлде-біреулер қасақана өрт ұйымдастырған
Алматы, NEGE. 11 қазаннан 12 сіне қараған түні, Талғарда «сыра» үшін қаза тапқан баланың үйі түгелімен жанып кетті. Зардап шеккендер жоқ. Себебі, марқұмның ата-анасы мен бауырлары жетісін беру үшін, ата-әжесінің үйіне кеткен.
«Тергеу аясында куәгерлерден жауап алынуда, сондай-ақ бейнебақылау камераларының жазбалары зерттелуде. Қазіргі уақытта оқиғаның барлық мән-жайлары мен оған әкелуі мүмкін себептері анықталуда»- дейді Полиция департаменті.
