Бүгін еліміздің үш қаласында ауа сапасы нашарлайды
"Қазгидромет" РМК бүгін, 11 мамырда Қазақстан қалаларындағы метеорологиялық жағдай туралы жариялады.
Алматы, NEGE. Бүгін Қазақстанның көп қалаларында ауа райы қалыпты болғанымен, Жезқазған, Балқаш, және түнгі уақытта Атырау қалаларында ауа сапасы нашарлайды.
Қолайсыз метеожағдайлар — атмосфералық ауаның төменгі қабатында зиянды заттардың жиналуына ықпал ететін қысқа мерзімді табиғи факторлардың (әлсіз жел, тұман, инверсия, т.б.) жиынтығы. Мұндай жағдайда атмосфералық ауаның сапасы төмендеуі мүмкін.
Синоптиктердің айтуынша, ластану деңгейіне желдің жылдамдығы, жауын-шашын, ылғалдылық және ауа температурасы сияқты метеофакторлар әсер етеді.