Бүгін ауа райы қандай болады?
19 сәуірде атмосфералық фронталды бөліктердің өтуімен Қазақстанның басым бөлігінде жаңбыр түрінде жауын-шашын күтіледі.
Алматы, NEGE. Еліміздің оңтүстігінде найзағай, дауыл, шаңды дауыл болжанады. Республиканың батыс аудандарында жауын-шашынсыз ауа райы болады. Барлық өңірде желдің күшеюі байқалады. Түркістан облысының батысында, оңтүстігінде, таулы аудандарында – найзағай, дауыл, солтүстігі мен батысында шаңды дауыл күтіледі. Өңірдің солтүстігінде, батысында, таулы аудандарында жел 15-20 м/с күшейеді. Қызылорда облысының орталығында жел 15-20 м/с күшейеді. Жамбыл облысының таулы аудандарында найзағай ойнап, күндіз солтүстік-шығыста, таулы аудандарда жел 15-20 м/с артады. Шығыс Қазақстан облысының оңтүстігінде, солтүстігінде, батысында желдің екпіні 25 м/с күшейеді. Қарағанды облысының оңтүстігінде, шығысында 15-20 м/с жел тұрады. Күндіз облыстың оңтүстік-шығысында екпіні 23 м/с күшейеді.
Павлодар облысының оңтүстігінде желдің жылдамдығы 18 м/с артады. Атырау, Батыс Қазақстан, Солтүстік Қазақстан облыстарының батысында, Маңғыстау облысының батысында, орталығында, Ақмола, Қостанай облыстарының түнде оңтүстік-шығысында, күндіз солтүстік-батысында, солтүстігінде жел 15-20 м/с күшейеді. Күндіз Алматы облысының таулы аудандарында найзағай ойнап, жел 17-22 м/с артады. Алакөл көлдерінің ауданында екпіні 25 м/с күшейеді. Сондай-ақ Батыс Қазақстан, Солтүстік Қазақстан облыстарының оңтүстігінде, Ақтөбе облысының солтүстігінде, орталығында, Павлодар облысының орталығында өте жоғары өрт қаупі сақталады.